sushi rolls ,, سوشي رول بحشوات مختلفه ،،

 حياكم الله ،،

اليوم موضوعنا عن السوشي ،، او مثل مايسمونه سوشي رول ،، لانه على شكل رول ،، او له اسم ثاني ويسمونه ماكي ،، 

سبق ونزلت طريقة السوشي بالانستقرام ،، وكان بحشوه معينه ،، 

اليوم باذن الله معنا طريقة السوشي بثلاث حشوات ،، ان شاءالله تعجبكم ،، فيه كثير ناس يعتقدون ان السوشي  شيء ني 

والاعتقاد هذا خاطئ ،، السوشي انواعه كثيره مره ،، فيه الني وفيه المطبوخ ،، وحشواته كثيييره جدا ،، فيه بالسمك والتونه 

والسلمون والخضار والروبيان ،،،،، افضل حشوات افضلها التيمبورا شريمب ،، والكرسبي كالفورنيا ادمان بالنسبه لي 

هالنوعين  ،، وراح  نشوف الطيقه بالتفصيل ،، 

اول شيء نبدا باغراض السوشي ،، 

مثل ما انتم شايفين للسوشي اغراض اساسيه ومعينه نستخدمها ،، انا شاريتها من السوبر ماركت بملبورن ،، بالرياض 

اتوقع الدانوب والتميمي يوفرونها لكم ،،

وراح نشرح كل غرض بهالصوره ،، 

sushi rice

رز السوشي ،، رز خاص بالسوشي  ،، 

yaki nori

وهي نوع  من انواع الاعشاب البحريه المستخدمه في السوشي ،، لها فوائد كثيره ،، ولها جهتين وحده ناعمه ووحده خشنه يفضل لما نحط الرز عليها نحطها على الجهه  الخشنه عشان  يمسك الرز فيها ،، 

tempura shrimp

التيمبورا شريمب ،، وهو عباره عن روبيان مقلي مغلف من برى بالتيمبورا ،، دخت عليه بملبورن على مالقيته ،، لقيته بكولز ،، وبالرياض موجود بالتميمي ،، والي مايلقاه ،، يسوي روبيان عادي مقلي مغلف بالبقسماط او الدقيق ،، 

Bamboo Mat

وهي عباره عن السفره الخشب الي تشوفونها بالصوره ،، تساعدنا كثير بلف السوشي وتخلي شكله  مرتب مره ،، وبتشوفون اشلون بالصور الجايه ،، 

اخر شيء البوكس المربع الي تشوفونه قدامكم ،، هو بوكس جاهز يجي بالسوبرماركت فيه جميع الاشياء الخاصه بالسوشي مجتمعه مع بعض ببوكس واحد بدل ماتشتري كل شيء  لحاله ،، 

وصلنا الحين لحشوات السوشي وطريقته ،،، 

اول شيء نغلف البامبو مات ببلاستيك الاكل عشان لا تتوسخ علينا واحنا نلف السوشي فيها ،، 

بعدها نسلق الرز مثل مانسلق الرز العادي بس نزود المويه شوي لاننا نبي الرز يتماسك شوي معنا ،، 

ونضيف للرز powdered sushi mix ..

وهي عباره عن بودره خاصه ،، نحطها فوق الرز بعد مانسلقه وو تعطي نكهه للرز

 ،، وتخليه يتماسك اكثر ،، واذا ماحصلتوها اضيفو للرز بعد سلقه ،، شوية خل 

وملعقة سكر ،، 

ونجهز الحشوات ،، 

الحشوه الاولى ،، سوشي التيمبورا شريمب 

التيمبورا شريمب قليناه ،، وصار جاهز ،، 

الحشوه الثانيه ،، وهي من اختراعي ،، يعني حبيت اغير شوي عن الحشوات المعتاده 

واضيف شيء جديد ،، 

سويت حشوه بالدجاج ،، عباره عن صدور دجاج مسلوقه وننتفها .. وعدين نضيف 

مايونيز وفلفل اسود ،، 

الحشوه الثالثه بالخضار ،، اي خضار تحبونه اضيفوه ،، 

نبدآ بالحشوه الاولي التيمبورا شريمب ،، 

اول شي ورق الياكي نوري كبير شوي ،، فنقص جزء منه ،، 

بعدها نقلب ،، الياكي نوري على الوجه الخشن ،، ونحط الرز عليها ،، 

ونضغط باصابعنا ضغط خفيف على الرز عشان يتماسك معنا ،، ويكون باصابعنا زيت 

او مويه عشان لا يلصق الرز فيها ،،

ونقلب الياكي نوري ونخليه من داخل ،، والرز من برى ،، واذا حابين العكس عادي

 ينفع ،، ونحط الشريمب مع خس ،، او اي اضافه تحبونها ،،

ونبدآ نلف بورق البامبو مات ،، نلف باليد ونضغط ضغط خفيف ،، وتقدرون تشوفون مقاطع باليوتيب تعلمكم بالضبط طريقة اللف ،، 

شايفين طريقة اللف ،، والبامبو مات تساعدنا كثييير باللف وتخلي شكله مرررتب مره ،، 

الحين من بري تقدرون ترشون الرز بالسمسم او اي شي تحبونه انتم ،، وبعدها نقطعه دوائر وصار جاهز ،، 

ونفس هالطريقه مع بعض التغيير للحشوه الثانيه حشوة الدجاج ،، 

حطيت دجاج ،، مع افوكادو ،، ولاحظو هنا حطيت الحشوه فوق الرز علي طول عكس التيمبورا لما حطيتها فوق الياكي نوري ،، 

ونلفها ،، ونقطعها دوائر صغيره ،، 

ونجي للحشوه الثاثه ،، بالخضار ،، 

حطيت خيار ،، وافوكادو ،، وخس ،،

وهنا شكل الثلاث انواع مع بعض ،، 

بالعاده يستخدمون فوق السوشي مايونيز ياباني ،، لذيذ جدا ،، 

انا استخدمت اليوم مايونيز من مطعم ناندوز في ملبورن  لذييييييييذ جدا انصحكم فيه حتى لجميع الاكل وهذي صورته ،، 

وهذي صوره اقرب للي بحشوة  الخضار ،، 

وهنا صوره للي بحشوة الدجاج ،، 

وهنا التيمبورا شريمب ،، 

وبكذا نكون خلصنا السوشي ،، وباذن الله نشوف تطبيقاتكم عليها ،، وتعجبكم يارب ،، 

وبالعااافيه ،،

،،،،