memokitchen

حياكم الله ،، هالموضوع مفروض انه نازل من كم يوم ،، لكن بسبب ظروفي الصحيه تأجل ،،  بس الحمدلله قدرت انزله اليوم ،،  موضوع اليوم طبق صحي مرره ولذيييذ مرره الاشياء المستخدمه لوفات ،، ووحتى للي مو مسوي رجيم او شي زي كذا  انصحه يجربه لانه فعلا لذيييذ ومشهي ،، poached eggs وهو البيض المسلوق لكن بدون القشره الخارجيه للبيضه ،، يعني نفك البيضه كلها بمويه حاره ،، يستوي البياض من الخارج ويبقى الصفار لين من داخل ،، واذا حابينه يستوي اكثر خلوه اكثر بالمويه ،، لكن هي كذا اصلها تكون لينه من داخل ،، الطريقه ماتاخذ منكم ١٠ دقايق ،، وتجربه ممتعه وسهله وحلوه ،،  اول شي هذي جزء من المقادير،، استخدمت البيض مع الانجليش مافن ،، المافن بالبر الي اخذته لذيييذ مره ،، وتقدرون تغيررون بالخبز الي تحبونه ،، اول شي نسخن المويه الحاره ونخليها تغلي ،، بعدها نخليها على نار متوسطه  لازم تكون المويه عميقه وحاره ،، ونضيف لها ملعقه خل ابيض ورشة ملح ،، بعدها نفك البيضه بصحن مثل هذا عشان يكون سهل علينا نحطها بالمويه ،، بعدها نحطها بالمويه ،

حياكم الله ،، اليوم معنا حلا جدا جميييل وسهل مررره  ويضبط على طول معكم  ،، سبق ونزلته بالانستقرام ،، وهنا طريقته بالتفصيل  الحلا اساسا ذقته بمطعم تاو بالرياض ،، وحاولت اسوي مثله ،، والحمدلله ضبط معي ،،  موس الاوريو تبع مطعم تاو ،، المقادير ،، ست اكياس بسكوت اوريو  ملعقه كبيره سكر  علبه قشطة التاج او اي قشطه تحبونها  نص كاس حليب سائل  ،، واذا حسيتو القوام ثقيل مره زيدو الحليب يخففه  بس اساسا يكون قوامه ثقيل  نبدا نحط الاوريو بخلاط الكاس  والقشطه والحليب والسكر ونخلطهم كلهم مع بعض ،،  لحد مايتكون خليط ثقيل  بعدها نصبه بصحون التقديم ،، ونطحن اوريو بدون كريمته ،،  يكون طحن ناااعم مررره  بعدها نرش  الاوريو المطحون فوق الحلا الي بالصحون ،، وهذا شكله النهائي ،، طبعا الافضل   يدخل الثلاجه  من بدري مرره لان حلاته تاكلونه باارد ،،، ووقت التقديم تزينونه بالي تحبونه ،، فواكه او مارشميلو او حلاو قطن ،،  وهذي صوره للحلا فوقه حلاو قطن ،، حرقته

حياكم الله  اليوم معنا طبق يمكن الكل يحبه ،، وهو الوافل ،،  وهذي معلومه خفيفه عن الوافل ،،  يعتبر الوافل كعكة أساسها خفق أَو  خبز  أساسه عجينة تم طبخه في صفائح  الوافل المزخرفة لإعطائها شكلها المُتميّز. هناك عشرات الاختلافات الإقليمية  والأوروبية مستندة إلى النوع وشكل الصفائح المستعملة  والوصفة  المستعملة. في  الأمريكتين نجد الأنواع التقليدية للوافل بالإضافة إلى بسكويتات الوافل المجمّدة،  مثل صنف  إيجو  والوافل شعبي. كما أشهر أنواع الوافل يصنع في  بلجيكا . اول شي حابه ابين شغله ،، الجهاز الي انا استخدمته بالوافل ،، ماعجبني ابدا ابدا ،، فما انصحكم فيه و هذي صورته  اول شي احسه مو عميق مره ،، ومايعطي الوافل طراوه حلوه ،،   يعني احس الاجهزه الثانيه افضل منه بكثير ،،  نبدا اول شي بالمقادير ،، الحلو بهالطريقه ان مافيها بيض ،، فالناس الي ماتحب البيض راح يناسبهم مره  كاس دقيق  ملعقتين كبيره  سكر  نص ملعقه كبيره بيكنج بودر  ملعقتين كبيره زبده او زيت  ملعقتين كبيره زبادي 

حياكم الله  اليوم معنا كيكه لذيييذه جدا جدا ،،  كيكة الهيل والزعفران ،،  بالنسبه لي  لذيييذه جدا خاصه لاني احب الهيل والزعفران  وطريقتها سهله وشكلها جدا جميل ،، وتنفع بمناسبات تسونها وعزايم حلوه ،،  وهذي صوره لجزء من المقادير ،،  اول شي المقادير ،، استخدمت في جميع المقادير كاسات ايكيا القزاز الي تشوفونها بالصوره  ثلاث بيضات  كاستين دقيق ،،  ثلاث ارباع الكاس زيت كاس سكر  كاس حليب  ملعقه كبيره بيكنج بودر  رشة فانيليا  هيل مطحون ،، وزعفران طازج شعر  اول شيء نخلط البيض والسكر والفانيليا  بالخلاط الكهربائي ،،  لحد ماينتفش البيض نضيف الزيت شوي شوي ،، ونستمر بالخلط مدة عشر دقايق  بعدها نضيف الدقيق ،، شوي شوي  بعده الحليب ،،  والبيكنج بودر ،، اخر شي نضيف نص ملعقه كبيره هيل مطحون  ورشة زعفران ،، ونستمر بالخلط لمدة عشر دقايق ،، بعدها ندهن صينية بزيت ،، اي صينيه حابينها ،، وندخلها الفرن يكون حار من قبل علي درجة ١٧٠  ونخليها تقريبا لمدة ٤