وافل ،، waffle

حياكم الله 

اليوم معنا طبق يمكن الكل يحبه ،، وهو الوافل ،، 

وهذي معلومه خفيفه عن الوافل ،، 

يعتبر الوافل كعكة أساسها خفق أَو خبز أساسه عجينة تم طبخه في صفائح 

الوافل المزخرفة لإعطائها شكلها المُتميّز. هناك عشرات الاختلافات الإقليمية 

والأوروبية مستندة إلى النوع وشكل الصفائح المستعملة والوصفة المستعملة. في 

الأمريكتين نجد الأنواع التقليدية للوافل بالإضافة إلى بسكويتات الوافل المجمّدة، 

مثل صنف إيجو والوافل شعبي. كما أشهر أنواع الوافل يصنع في بلجيكا.

اول شي حابه ابين شغله ،، الجهاز الي انا استخدمته بالوافل ،، ماعجبني ابدا ابدا ،، فما انصحكم فيه و هذي صورته 

اول شي احسه مو عميق مره ،، ومايعطي الوافل طراوه حلوه ،،   يعني احس الاجهزه الثانيه افضل منه بكثير ،، 

نبدا اول شي بالمقادير ،، الحلو بهالطريقه ان مافيها بيض ،، فالناس الي ماتحب البيض راح يناسبهم مره 

كاس دقيق 

ملعقتين كبيره  سكر 

نص ملعقه كبيره بيكنج بودر 

ملعقتين كبيره زبده او زيت 

ملعقتين كبيره زبادي 

وثلاث  ارباع الكاس حليب ،، وتخلط بالمضرب اليدوي 

ويتكون خليط ثقيل نوعا ما ،،

بعدها يكون جهاز الوافل شغال من البدايه معنا ويكون حار ،،

نبدا نحط الخليط الى مانغطي الفرغات كامله ،، بس لا تزيدونها مره لانه ممكن تطلع معكم الزايد من الخليط 

في الاله ،، واذا طلع شي بسيط عادي ،،

الحين درجة حرارته لا تخلونها عاليه مره ،، لانه بيستوي من برى وداخل بيكون عجين ،، 

خلو الدرجه متوسطها بحيث يستوي من داخل اول وبعدين يستوي برى ويصير لونه ذهبي ،، 

وقت تقديم الوافل ،، قدمووه باي طريقه تحبونها ،، مع عسل ، شيره ، سكر مطحون ، شوكلاته ، نوتيلا ، فواكه ، اي شي ،، 

وهذا الشكل النهائي ،،

وبالعافيه عليكم 

،،،