memokitchen

حياكم الله ،، اليوم معنا مكرونه بصوص يجمع بين الصوص الاحمر والكريمه ،، فيصير لونه على زهري او برتقالي فاتح   بينك صوص ،، اول شي نسلق مكرونه سلق عادي استخدمت بيني وهو هالنوع من المكرونه  وهالشركه اعتبرها افضل شركه في المكرونات ،، اول شي نحمس بصله كبيره مع شوية زيت ،،  ونكون مجهزين  صحن صدور مقطعه مكعبات  اذا تحمس البصل وصار لونه ذهبي نحط الصدور مع الثوم ،،  بعدها نضيف شوية فلفل اسود وكزبره ناشفه ومكعب ماجي ،،  ونخليه يتسبك مع الدجاج ،،  بعدها اذا قرب يستوي الدجاج نجيب الطمام المعلب مثل هالصوره ونفرمه بالفرامه ،، ونضيفه فوق الدجاج ،، ونخليه يتسبك معه ،،  ونضيف ملعقتين صلصه ،، واخر شي نضيف نص علبه كريمة خفق ،،  ونخليها تطبخ مع بعض لحد مايصير لنا مثل هالصوص ،،  اخر شي ،، بعد ماسلقنا المكرونه نضيف الخلطه عليها ونخلطهم مع بعض ،،  ونخليه شوي بالقدر قبل التقديم عشان تثقل الخلطه شوي  وهنا وقت التقديم نرش ع الو

حياكم الله ،، اليوم معنا طبق جميل ومعروف ،، فرنش توست ،، قبل كم يوم جربته بمقهى بملبورن وعجبني ،، وتعرفون ما اخلي طبق يمر  بدون ما اقلده هههههههههه باذن الله الطريقه سهله ولذيييذه جدا ،،  اول شي هذي مقادير الفرنش توست ،، بيضه  ونص كاس حليب سائل  وفانيلا وقرفه مطحونه <<حسب الرغبه  وملعقة سكر كبيره  وتوست وزبده اول شيء نحط البيض  بعدها الحليب والقرفه والسكر والفانيلا   ونخلطها مع بعض  بعدها نحط الزبده على النار ،، ونغمس التوست بالخلطه السابقه ،، طبعا تقدرون اذا حابين تشيلون الحواف ،، انا احبها  ونحطها فوق الزبده على النار لحد ماتتحمر وتتحمص ،، انا حطيت اثنين فوق بعض عشان ابي تكون عريضه  واذا حابين تحطون وحده عادي ،،   بعد ماتتحمر التوست ،، نحطها بصحن التقديم ونجهز ،، على النار زبده وملعقه سكر وعين جمل نحمصهم على النار او اذا حابين بالفرن ،،  بعدها بصحن التقديم نحط التوست ونصب فوقه شيره او عسل او شوكلاته س

حياكم الله ،، اليوم بنسوي حلا الاوريو او حلا العلب او الجار الي هي علبه القزاز الي نسوي فيها الحلا ،،  سبق ونزلت هالطريقه بهشتاق الطبخ بالانستقرام وبنفس الهشتاق تلقون طرق وصفات كثيره لو حابين  تشوفونها تلقونها بهالهشتاق memokitchen# وقررت اسوي هالحلا باخذه للكلاس معي بكره باذن الله،، لانهم طلبو مني يذوقون شيء من صنعي ،،  اول شيء هذي المقادير ،،  بعدها نكسر الاوريو  واذا حابين تطحنونه براحتكم ،، ونجيب قوالب التقديم ونحط الاوريو المكسر فيه ،،  انا هنا استخدمت نوعين عشان اوريكم افكار للتقديم ،، استخدمت الكاسات الورق والعلب الزجاج الي تنقفل  بعدها نحمس حليب نيدو بودره على النار  الى مايصير لونه ذهبي ،، بعدها نحطه بالخلاط مع قشطة بوك او اي قشطه تحبونها ،، ودريم ويب ،، وفنجال سكر ،،واذا حسيتو انه ثقيل ضيفو له شوية مويه عشان ينخلط معكم بالخلاط ،، بعدها نصب هالخليط في قوالب التقديم فوق الاوريو المكسر ،، بعدها نجيب علبه نستله وثمان حبات جبن كيري ونخلطهم مع بعض ،، 

حياكم الله ،،  اليوم بنسوي سوفليه بالجالكسي ،،والطريقه جدا جدا سهله ،، وطعمها لذيييييذ مررره ،،  بس قبل حابه اقول انا استخدمت لوح شوكلاته عادي لان في ملبورن نااادرا جدا تلقى  جالكسي ،، بس انتم استخدمو جالكسي ،، وفيه صور كثيره بالانستقرام تبعي فيه سوفليه الجالكسي بالجالكسي مسويته  من قبل بالرياض  ،،  نبدأ بالمقادير ،،  اربع حبات جالكسي ساده  نص اصبع زبده  بيضتين  اربع ملاعق كبيره دقيق  ملعقه صغيره بيكنج بودر  رشة فانيليا  اول شيء نذوب الجالكسي والزبده مع بعض ،،  بعدها ،، نحط الدقيق والبيض والفانيليا والبيكنج بودر مع بعض ،، طبعا الجالكسي بيكون حار مرره اذا خلص لما نجي نخلط المقادير كلها مع بعض نسويها بالمضرب اليدوي وبسرعه نحرك ،، وهنا تجانست المقادير كامله ويعطينا خليط ثقيل شوي ،،  بعدها نصبها في قوالب السوفليه ،، وندخلها الفرن لمدة عشر دقايق الى ربع ساعه ،، من فوق وتحت على ١٨٠ درجه  وهنا لما استوت وطلعناها من الفرن وصارت جاهزه للاكل ،،  شوفو من داخل كيف سايحه ،، ماتكون جامده من داخل ،، 

 حياكم الله ،، اليوم موضوعنا عن السوشي ،، او مثل مايسمونه سوشي رول ،، لانه على شكل رول ،، او له اسم ثاني ويسمونه ماكي ،،  سبق ونزلت طريقة السوشي بالانستقرام ،، وكان بحشوه معينه ،،  اليوم باذن الله معنا طريقة السوشي بثلاث حشوات ،، ان شاءالله تعجبكم ،، فيه كثير ناس يعتقدون ان السوشي  شيء ني  والاعتقاد هذا خاطئ ،، السوشي انواعه كثيره مره ،، فيه الني وفيه المطبوخ ،، وحشواته كثيييره جدا ،، فيه بالسمك والتونه  والسلمون والخضار والروبيان ،،،،، افضل حشوات افضلها التيمبورا شريمب ،، والكرسبي كالفورنيا ادمان بالنسبه لي  هالنوعين  ،، وراح  نشوف الطيقه بالتفصيل ،،  اول شيء نبدا باغراض السوشي ،،  مثل ما انتم شايفين للسوشي اغراض اساسيه ومعينه نستخدمها ،، انا شاريتها من السوبر ماركت بملبورن ،، بالرياض  اتوقع الدانوب والتميمي يوفرونها لكم ،، وراح نشرح كل غرض بهالصوره ،،  sushi rice رز السوشي ،، رز خاص بالسوشي  ،،  yaki nori وهي نوع  من انواع الاعشاب البحريه المستخدمه في السوشي ،، لها فوائد كثيره ،، ولها جهتين وحده ناعمه و