سوفليه الجالكسي ،،

حياكم الله ،، 

اليوم بنسوي سوفليه بالجالكسي ،،والطريقه جدا جدا سهله ،، وطعمها لذيييييذ مررره ،،

 بس قبل حابه اقول انا استخدمت لوح شوكلاته عادي لان في ملبورن نااادرا جدا تلقى جالكسي ،، بس انتم استخدمو جالكسي ،، وفيه صور كثيره بالانستقرام تبعي فيه سوفليه الجالكسي بالجالكسي مسويته من قبل بالرياض  ،، 

نبدأ بالمقادير ،، 

اربع حبات جالكسي ساده 

نص اصبع زبده 

بيضتين 

اربع ملاعق كبيره دقيق 

ملعقه صغيره بيكنج بودر 

رشة فانيليا 

اول شيء نذوب الجالكسي والزبده مع بعض ،، 

بعدها ،، نحط الدقيق والبيض والفانيليا والبيكنج بودر مع بعض ،،

طبعا الجالكسي بيكون حار مرره اذا خلص لما نجي نخلط المقادير كلها مع بعض نسويها بالمضرب اليدوي وبسرعه نحرك ،،

وهنا تجانست المقادير كامله ويعطينا خليط ثقيل شوي ،، 

بعدها نصبها في قوالب السوفليه ،، وندخلها الفرن لمدة عشر دقايق الى ربع ساعه ،، من فوق وتحت على ١٨٠ درجه 

وهنا لما استوت وطلعناها من الفرن وصارت جاهزه للاكل ،، 

شوفو من داخل كيف سايحه ،، ماتكون جامده من داخل ،، 

وبالعااافيه عليكم ،،

،،،