memokitchen

حياكم الله  اليوم معنا برجر لذيييذ جدا خاصه لمحبين الجبن لان هالطريقه فيها كذا نوع جبن ،، وهالبرجر يكون محشي من داخل  اول شي هذي جزء من المقادير ،، كيلو لحم بقر  ماشروم  جبن تشدر  جبن بلو تشيز جبن كريمي بقدونس مفروم بودرة بصل ملح - فلفل اسود وربع اصبع زبده  وطبعا خبز برجر اي نوع تحبون  ومايونيز - خردل - كاتشب - وخس وطماطم حسب رغبتكم  نبدا اول شي باللحمه المفرومه ،، نحطها بصحن  ونرش عليها ملح وفلفل اسود  ونخلطها مع بعض ونخليها على جنب  ونحظر الحشوات تبع البرجر ،،  اول حشوه ،، حشوة البلو تشيز  نحط بكميات متساويه من  بلو تشيز  جبن كريمي  وبقدونس مفروم  ورشة بودرة بصل  وشوية فلفل اسود .. ونخلطهم بشوكه مع بعض  بعدها نشكل البرجر  ونحط حشوة البلو تشيز  ونحط طبقه ثانيه فوقه ونقفل زييين عشان لاتنفك معنا  ،، او تقدرون بطبقه وحده تكورونها حولين الحشوه  والحشوه الثانيه عباره عن قطعه جبن تشدر وجبن موزريل

حياكم الله  اليوم معنا حلا مررره سهل وبسيط ذقته عند صديقه لي وعجبني مرره ،،  هذي مكوناته ،، بسكوت بالقمح او اي نوع تحبون ويفضل بسكوت الدايجستيف  اوريو  شوكلاته ساده يفضل جالكسي  ورشة جوز هند ومارشميلو  كل هالمقادير تكون بكميات متساويه  اول شي بصينية تدخل الفرن  نكسر البسكوت انا استخدمت صواني صغيره مره لكل شخص وحده  بعده الاوريو ،، انا استخدمت اوريو ميني صغير مره مايحتاج تكسير لو استخدمتو الكبير كسروه بعده نحط الشوكلاته ،،  ورشة جوز هند طبعا حسب رغبتكم  واخر شي نغطيه كله بالمارشميلو ،،  وندخله الفرن يتحمر من فوق  وبعد مانطلعه من الفرن نصب فوقه توفي ،، وفيه طريقة التوفي كامله بالمدونه نزلتها بموضوع لحاله ،، او تقدرون تستخدمون  الكراميل الجاهز الي من نستله ،، او اي نوع تحبون ،،  وهنا الحلا صار جاهز ،،  حلا سهل وسريع ولذيييييذ مره ،، انصحكم تخلونه شوي بعد مايطلع من الفرن لحد مايتماسك المارشميلو يصير يتمطط وهذي لكم ،،  وبالعااافيه 

حياكم الله ،،  اليوم معنا طريقه جدا لذييذه لمندي الدجاج ،، لكن قبل الطريقه بعلمكم عن الفرن هو فرن خاص للمندي مثل التنور ينطبخ فيه  الرز واللحم او الدجاج على الفحم ،، الفرن جايبه جارنا من الرياض وشاحنه لملبورن لذالك الطبخ كان عنده  اول شي نحمس بصله كبيره مع شوية ثوم  وقرفه وهيل ومسمار وليمون اسود وورق الغار واذا صار لونها ذهبي نقطع حبتين   طماطم مكعبات ونحطها فوق البصل  ونحط فلفل اخضر وبهارات مشكله  وكركم  وفلفل اسود وملح وفلفل رومي لو حابين  واذا  استوى الطماطم ،، بعدها تحطون الرز اربع كاسات والمويه  اعلى من الرز بقدر اصبعين ،، وتخلونه على جنب  وافضل استخدام رز ابو كاس او الوليمه  نجي للفرن طبعا الفرن تشغلون الفحم من بدري مره الي مايبدىء يصير جمر ،، ونحط اول شي القدر الي حطين فيه الرز  بعدها نحط فوق الرز شبك عشان نحط الدجاج فيه ،،   طبعا الدجاج بجلده  نبهره من قبل  بصلصه مذوبه مع مويه وبهارات مشكله وملح وفلفل اسود وكركم  ونبهر فيها ووسط الدجاجه حطو حبة بصله تعطي نكهه حلوه طبعا حيب رغبتكم  وكثرو من التتبيله داخلها 

حياكم الله ،، اليوم معنا نوعين من السلطات ،، سبق ونزلتهم بالانستقرام ،، واليوم معنا بالتفصيل باذن الله  اول نوع ،، سلطة البوب كورن ،،  جدا لذيييذه وسهله ،، وماتنمل ابدا ،، اول شي نقطع بكميات متساويه خس امريكي ،، كروم ابيض وبنفسجي ،، جزر مبشور اذا حابين ،، ومخلل خيار حسب الرغبه ،، بعدها نقلى الدجاج الي على شكل بوب كورن ،، وهذي صورته اخذته من كولز لاهل ملبورن ،، واهل السعوديه فيه تبع شركة امريكانا جميل جدا البوب كورن تبعهم  وهنا بعد ماقليتهم ،،  بعدها بهالسلطه نستخدم ثلاث انواع من الصوصات ،،  رانش ،، ومتبل فرنسي ،، وبلو تشيز  بحط لكم صور الصوصات من النت لاني الصوصات الي استخدمتها هنا غير ،،  اول شي هذي صوره للمتبل الفرنسي لذيييذ جدا ،، وافضل شركه تسويه بالنسبه لي قودي  ثاني صوص للجبنه الزرقاء برضو لقودي،،   ثالث صوص الرانش ،، والصوصات الي استخدمتها بملبورن وكانت اقرب شي بالطعم لهالصوصات هي هذي ،، نبدا الحين نتبل السلطها اول شي بصوص الرانش ،، نخلط ا