برجر محشي بلوتشيز وبرجر بحشوة التشدر وبرجر بالماشروم
حياكم الله اليوم معنا برجر لذيييذ جدا خاصه لمحبين الجبن لان هالطريقه فيها كذا نوع جبن ،، وهالبرجر يكون محشي من داخل اول شي هذي جزء من المقادير ،، كيلو لحم بقر ماشروم جبن تشدر جبن بلو تشيز جبن كريمي بقدونس مفروم بودرة بصل ملح - فلفل اسود وربع اصبع زبده وطبعا خبز برجر اي نوع تحبون ومايونيز - خردل - كاتشب - وخس وطماطم حسب رغبتكم نبدا اول شي باللحمه المفرومه ،، نحطها بصحن ونرش عليها ملح وفلفل اسود ونخلطها مع بعض ونخليها على جنب ونحظر الحشوات تبع البرجر ،، اول حشوه ،، حشوة البلو تشيز نحط بكميات متساويه من بلو تشيز جبن كريمي وبقدونس مفروم ورشة بودرة بصل وشوية فلفل اسود .. ونخلطهم بشوكه مع بعض بعدها نشكل البرجر ونحط حشوة البلو تشيز ونحط طبقه ثانيه فوقه ونقفل زييين عشان لاتنفك معنا ،، او تقدرون بطبقه وحده تكورونها حولين الحشوه والحشوه الثانيه عباره عن قطعه جبن تشدر وجبن موزريل