برياني روبيان ،،

حياكم الله .. 

اليوم غدانا برياني روبيان ،، وبنشوف الطريقه مع بعض بالتفصيل ،،

اول شيء نقطع بصل مكعبات ،، ونحمسه بشوية زيت 

بعدها نضيف هيل ومسمار وقرفه ،، 

بعدها نضيف ليمون اسود وورق غار ،، 

وثوم وزنجبيل طازج ،،

بعدها نضيف الروبيان ،، والافضل روبيان طازج فررش ،، ويكون مقشر ونظيف ،، 

ونضيف حبه طماطم مكعبات ،،

ونضيف ثلاث ملاعق زبادي ،، 

ونضيف البهارات المشكله ،، فلفل اسود ،، بابريكا ،،كزبره مطحونه ،، كاري ،، كركم ،،كمون ،، ومكعب ماجي 

ونخليه يتسبك مع بعض على نار هادئه ،، 

بعدها على  الاخير نضيف ،، فلفل رومي مكعبات ،، وبطاطس مقلي مكعبات ،، واذا حابين باذنجان مكعبات مقلي ،،

ونخليه لحد ماينضج تماما الروبيان ونطفي عليه النار ونخليه على جنب ،، 

نجي الحين للرز ،، طبعا نغسله وننظف ونخليه بمويه حاره ،، بعدها نحطه بالقدر مع مويه حاره ونضيف له هيل وقرفه وليمون اسود ومسمار وشوية ملح ،، 

ونخليه يطبخ مع بعض ،، واذا قرب يستوي ،، نشيل نص الرز ،، ونحط الوربيان بعد ما استوى ،، فوق الرز ،، ونحط الرز الثاني  فوقه نغطي الروبيان فيه ،، 

وهنا غطيناه بالرز ،، ونحط شوية زبده على الوجه ،، يعطي نكهه حلووه ،، 

اخر شي ،، نرش على الوجه شوية زعفران ،، ونعناع مقطع صغير ،، وكزبره وبقدونس ،، وبصل مقلي ،، ونخليه شوي يتسبك على نار هاديه مرره ،، لحد مايستوي ،، 

وهنا وقت التقديم ،، 

وتقدرون تستبدلون الروبيان بلحم او دجاج ،، 

وبالعاااافيه عليكم ،،

،،،