كيكة الهيل والزعفران ،،
حياكم الله
اليوم معنا كيكه لذيييذه جدا جدا ،، كيكة الهيل والزعفران ،، بالنسبه لي لذيييذه جدا خاصه لاني احب الهيل والزعفران
وطريقتها سهله وشكلها جدا جميل ،، وتنفع بمناسبات تسونها وعزايم حلوه ،،
وهذي صوره لجزء من المقادير ،،
اول شي المقادير ،، استخدمت في جميع المقادير كاسات ايكيا القزاز الي تشوفونها بالصوره
ثلاث بيضات
كاستين دقيق ،،
ثلاث ارباع الكاس زيت
كاس سكر
كاس حليب
ملعقه كبيره بيكنج بودر
رشة فانيليا
هيل مطحون ،، وزعفران طازج شعر
اول شيء نخلط البيض والسكر والفانيليا بالخلاط الكهربائي ،،
لحد ماينتفش البيض نضيف الزيت شوي شوي ،، ونستمر بالخلط مدة عشر دقايق
بعدها نضيف الدقيق ،، شوي شوي
بعده الحليب ،، والبيكنج بودر ،،
اخر شي نضيف نص ملعقه كبيره هيل مطحون
ورشة زعفران ،،
ونستمر بالخلط لمدة عشر دقايق ،،
بعدها ندهن صينية بزيت ،، اي صينيه حابينها ،، وندخلها الفرن يكون حار من قبل علي درجة ١٧٠
ونخليها تقريبا لمدة ٤٥ دقيقه ،، او حسب الفرن عندكم ،، لحد ماتستوي تماما ،،
بعد ماتستوي نجهز اغراض التزيين ،، انا اخترت هالاشياء ازين فيها ،، وانتم اختارو اي اغراض تحبون تزينون فيها ،،
هيل وزعفران ،، والصوص حليب نستله مكثف ،، والورد اخذته من محل صيني الي عجبني ان وردهم لونه مررره حلو ونظيييف مررره ،،
بالنسبه للزعفران ،، انا اخذته معي من الرياض واستخدمه في كل شي واهمها القهوه ،، من محل باسواق مكه اسمه الدليمي للعود ،، زعفرانهم خيال وريحته روعه ،، وانا من سنين عليه ،،
وهذا شكل الكيكه النهائي ،،
وبالعاااافيه عليكم ،،
،،،
السلام عليكم ، تسلم يدك على الوصفه الجميله و ان شاء الله حأجربها في أقرب فرصة ، بس عندي اقتراح بسيط ياريت لو تكون الوصفات بالاكواب و الملاعق المعياريه ، لانه مقاسها موحد ، و الكاسات مقاساتها تختلف من شخص لشخص ، و شكرا .
ردحذفمرحبا ميمو.. الله يعطيك العافيه
ردحذفسويت الكيكه بس الصدمه لمن طلعتها من الفرن انفشت ��
واول مره اسوي كيكه وتنفش �� كنت متحمسه لها مره
ومادري وش السبب الي خلاها تنفش