ساندوتشات فاهيتا الدجاج بطريقتي
حياكم الله
اليوم معنا طريقة ساندوتشات فاهيتا الدجاج بخبز الشيباتا
الخبز موجود بوودن بيكري ،، لكن عيبه مو دايم نحصله يخلص بسرعه ،، وانا هالمره مالقيته للاسف بس بحط لكم صورته
ولقيت نوع ثاني ،، صديقاتي يقولون انه احلا من الشيباتا ،،
نبدا اول شي ،، نقطع بصله كبيره ،، ،نحمسها بشوية زيت
الي مايذبل البصل ويصير لونه ذهبي ،،
نقطع صحن صدور دجاج بشكل طولي ونحطه فوق البصل ،،
بعدها نحط مكعب ماجي ورشة فلفل اسود وبابريكا وكزبره ناشفه
واذا بدا يستوي الدجاج نحط اربع ملاعق من الطماطم المعلبه ،،
وبعدها نضيف ثلاث ملاعق زبادي ،،
واخر شي نضيف شطة ناندوز
اذا ماعندكم شطة ناندوز حطو اي شطه تحبونها
ونخليه يتسبك مع بعض ،،
الى مايبدا ينشف المويه شوي ،، ويستوي الدجاج تماما
بعدها نجهز خس وجبن مربعات ومايونيز
ونجهز الخبز وهذا الخبز الي لقيته بوودن بيكري وهو خبز طري مره بالزبده
ونبدا نحشي الخبز ،، مايونيز وجبن
وفاهيتا
وخس
انا غلفة الساندوتشات بورق نايلون
احلا وارتب
وهذا شكلها النهائي
الورق من الهزاز بمخرج ٩
وهذا خبز الشيباتا الي كنت اسوي فيه
وتراه قاسي هالخبز
وبالعااافيه عليكم
،،،
ماشاءالله تبارك الله يا ميموووو ...بس النايلون كيف يجي اكياس او لفه
ردحذفمثل الاكياس الصغيره خاصه للساندوتشات
حذفيشهههي 💔😭😭
ردحذفأزال المؤلف هذا التعليق.
ردحذفجربتها لذيييييذة تسلمين على الطريقة
ردحذفبعتمدهاا 👍🏽❤️
ردحذفوصفاتك جميله وماتسصعبيها وقت التحضير يعطيك الف عافيه