Ratatouille يخنة الخضار الفرنسيه ،،
حياكم الله ،،
اليوم معنا طبق فرنسي مشهور جدا
Ratatouille
مدينة نيس. الاسم الكامل للطبق هو راتاتوي نيسواز في العادة، يقدم طبق
الراتاتوي كطبق جانبي كما يمكن تقديمه كطبق رئيسي مع الأرز أو الخبز..
اول شي نبدآ باهم المكونات للطبق ..
الطماطم
البصل
الباذنجان
القرع الاصفر
الكوسا
الفلفل الرومي
اول شي نجهز بصله مقطعه مكعبات ونحمسها بزيت مع شوي ثوم ،،
اذا بدا يصير لونه ذهبي البصل ،، نجيب علبه صلصه ونحطها فوق البصل ونحمسه معاه ،،
ونضيف كزبره ناشفه ،، فلفل اسود ،، ملح
ونخليه يتسبك مع بعض ،، ونزيده شوية مويه بس لا تكثرون نبيه يكون ثقيل ،،
بعدها نغطي عليه ونخليه على نار هاديه لحد مايتسبك مع بعض ،، وتطلع ريحته الحلوه ..
الحين نجي لتقطيع الخضار ،، نقطع الخضار دوائر والافضل تكون شرائح رقيقه بالقطاعه ،، انا للاسف ماعندي القطاعه
فالشرائح معي شوي عريضه ،،
وهنا كل الخضار ،،
بعدها نجيب الصلصه الي سويناها ،، ،نحطها بالصينيه ،،
انا سويت بصواني صغيره مره ،، للتقديم ،، ونبدا نصف الخضار فوقها ،،
وهنا بعد الصف ،،
بعدها ،، نرش شوية زيت زيترن ،، وملح وفلفل اسود ( وروز ماري ونعناع ) حسب الرغبه او زعتر بري ،،
ونغلفها بقصدير ونخرمه ،، وندخلها الفرن ،، من تحت لحد ماتستوي ،، تقريبا تاخذ لها 15 دقيقه ،، ماتتاخر
الصينيه الثانيه اضفت لها جبن موزريلا ،، قلت اجربها معها وطلع لذيييذ جدا معها ،،
وهنا شكل الصينيه الاولى بعد ماطلعت من الفرن ،،
وهنا الثانيه ،،
احس ممكن تضيفون لها بطاطس شرائح مع الخضار بعد بيطلع لذيييذ ،،
وتاكلونها بالخبز او الارز الابيض ،،
وبالعاااافيه عليكم ،،
،،،
تسلم يدك على الوصفة
ردحذفسهلة وباين لذيذة
تصدقي في شيف اسمه بايرن تابلت
توه من كم يوم منزل هالوصفة
دام انتين وهو منزلينها
اكيد.تستحق التجربة
جربتها مرررررررررره لذيذة ��������
ردحذفتسلم هاليدين عساها محرمه عن النار واحبابها ��
انا اسويها لكن بدل القرع بطاطس وبدل جبن الموزريلا احط جبن قشقوان المره الجايه اجرب طريقتك وخاصه اضافة النعناع احس الريحه تطلع خيال
ردحذف