طريقتي الخاصه بالكراميل (التوفي)
حياكم الله ،،
اليوم معنا طريقة الكراميل ،، هالطريقه طريقتي الخاصه من سنين ،، وبعد محاولات اعتمدتها ،، وسبق اني نزلتها بالانستقرام من حوالي سنتين ،، واليوم باذن الله بالتفصيل بالمدونه ،،
اول شي المقادير ،،
كاس سكر
نص كاس مويه ،، ونسويها نفس طريقة الشيره
ونص اصبع زبده
وكاس كريمة خفق
نبدا نحطه على النار ،، ونخليها تغلي نفس ماتغلي الشيره ،،
لما تبدا تغلي ،، نحط الزبده ،،
ونحرك بالمضرب اليدوي باسرع شي لحد مايتجانس
نبدا بعدها نرفع النار عليها ونحرك بسرعه ابي لونها يقلب معي لذهبي ،،
بعدها نحط الكريمه شوي شوي ،، ونخلط بسررررعه ونوطي النار عليه ،، لحد مايعطين اللون والقوام الي نبيه للكراميل
وهذا بعد ما تجانس مع بعض ،،
طبعا بالبدايه بيكون شوي سايل معكم بس كل ماخليتوه يبرد كل ماصار ثقيييل
وهنا شكله النهائي
وميزته تقدرون تسوون كميات و تحطونه بعلب وتحفظونه بالفريزر لمده طويله ،،
وطبعا تستخدمونه مع اي حلا او كيك ،،
وبالعافيه عليكم ،،
،،،
كريمه ايش ؟
ردحذفانا اسوي التوفي احط علبه حليب مكثف بقدر ظغط ساعه ويصير ولا الذ ..
ردحذفانتي ماشاء الله شكلك تظبطي هالطربقه.. بس يتكتل معي السكر 😯
طريقتي مشابهه لطريقتك
ردحذفميزة الموية انه ما تخلي السكر يتكتل و لا يطشر و تنحرق يدك D=
جربي تدفين الكريمه شوووي ع النار قبل تضيفينها تسهل المهمه اكثر و اكثر
يعطيك العافية
اي جربي طريقة الحليب المكثف تخليه بعلبته في قدر مليان مويه وعالنار لمدة ساعه ويقلب كراميل 😅
ردحذف