حفلة تخرجي ،،My graduation day

حياكم الله ،، 

اليوم معنا موضوع طويييل وانتظره الكثير ،، واسفه جدا اني تآخرت عليكم فيه ،، باذن الله تستفيدون من الموضوع 

ويعجبكم ،، 

لما قررت اسوي حفلة تخرج ،، كان ببالي اني اسوي شي بسيط ومرتب وفخم بنفس الوقت ،،  وكنت حابه انها تكون حفله 

تجمع ناس امون عليهم ،، ومافي تكلف بينا ،، ولا ابغاها تكون رسميه ،، عشان ينبسط الكل فيها ،، 

اول شي اللي يتابعوني بالسناب كانو معاي من اول تجهيزات الحفله ،، وسالتهم حتى عن الاشياء اللي ممكن اني استفيد 

منها للحفله ،، وحتى قلت لهم اني ماابغى اي ثيم للحفله يكون فيه قبعة تخرج لاني مليت من هالاشياء من كثر مااشوفها 

بكل الحفلات ،، 

تقريبا مااعتمدت على ثيم معين ،، بس سويت تناسق بين الاشياء بالحفله ،، وبتشوفونها بالصور ،، 

وبالنسبه للبوفيه اعتمدت يكون سناك ،، واخدم نفسك بنفسك ،، وحبيت اني اجيب من كل شي وكل الانواع وتكون ميني ،، 

تكون اسهل بالترتيب واحلى بالشكل ،، وافضل للناس انهم يشيلون كل شي بعلبته او صحن صغير ،،  

وبالنسبه للفنان والفنانه هي كانت كويسه لكن تعاملها ابدا ماعجبني واختلفنا على السعر مع انه كنت متفقه معها على سعر

معين ،، لكن للاسف خلتني ادفع زياده ،، وهذا الشيء قهرني ،، لذالك اعذروني مااقدر احط اسمها او رقمها ،، 

طبعا الحفله كانت بالقبو ببيتنا ،،  وقررت الدعوات تكون الكترونيه ،، لانه بالبيت ومايحتاج اصلا بطايق خاصه ،، 

باذن الله  راح اكتب لكم الاشياء بهالموضوع بالتفصيل ،، عشان يكون مرجع لكم ،، وترى كلامي ورأيي راح يكون صادق 

مثل ماعودتكم ،، ولا راح اجامل فيه ،، والشي الحلو يفرض نفسه ،، والاشياء اذا مدحتها فهي فعلا تستاهل المدح حتى

لو بالغت في مدحها ،، وفيه اشياء انسألت عنها من الناس الي كانو حاظرين من كثر ماهي لذيييذه ،، وتأكدو الاشياء الي 

تشوفونها كلها من تفكيري وتنسيقي ،، انا مجرد رحت المحلات عشان ينفذون لي الشغل ،، حتى البوفيه تنسيقي الخاص 

ماجبت احد يرتبه لي ،، 

الحين راح نبدآ بالصور ،، استعدووو 

ونبدآ بالدعوه ،، 

طبعا الدعوه تصميم المبدعه اروى سويدان وهي بالاساس مصورة عرايس هي واختها امل وحسابهم توأم بالانستقرام 

 taw_2am@

الاستاند هذا من نفس الشخص الي سوي لي ديكورات القبو والكراسي 

محل روزري ،، استاذ طلال

حسابهم بالانستقرام 

roozary

انسان جدا مريح بالتعامل ،، محترم والله تخيلو يقول لي وش الشي 

اللي ماعجبك ومستعد اغيره لك اهم شي تكونين راضيه ،،

وعلى فكره تراني دافعه يعني بفلوسي ماامدح عشان مثلا دعايه وهذا مو اول تعامل معاهم 

سبق وتعاملت معهم بحفلة تخرج اختي وبكذا مناسبه 

وباذن الله انتم تتعاملون معاه وتشوفون كيف التعامل معه 

وهذي صور من التجهيزات 

طبعا القبو مافيه مكان للمرايات ،، فخليت المحل يحطون لي مرايا ومكان للاستقبال ،، 

انا حطيت صحن فيه سبراي وفضفاض للملابس ،، وبنس وبنادول وقطن ومشط وفرشه ولوشن ،،

عشان لو احد احتاج من هالاشياء ،،

وخليت فلبينيه واقفه عن الاستقبال ،، تاخذ عبايات الناس ،،، 

وعلى طاري الفلبينيه ،، انا جبت قهوجيات وعاملات فلبينيات عشان يساعدونا بالترتيبات والخدمه ،، 

القهوجيه ام محمد قهوتها بطله ونفسيتها روعه ،، وهذا رقمها ،،


0508533722

جنب الاستقبال حطيت طاوله للتوزيعات وللهدايا ،، وللاسف التوزيعات تذكرتها بالاخير ،، 

تخيلو ان هذي التوزيعات مو تشوكلت !!!

شووفو الجمااال والكياااته ،، هذا صابون ،، تذكرون يوم اقولكم احب البنات اللي يتميزون بشغلهم ويبهرون ويعطوني 

اكثر مما اتوقع ،، هذي البنت ماشاءالله عليها ،، تميزت بهالشيء وجابت فكره حلوه ،، وتسوي لكم اي لون واي شكل تحبونه

وفكرتها حلوه سواء بزواجات او حفلات او حتى ولاده ،، 

حسابها بالانستقرام ،،

loli_cosmetics@

M جمااال الحرف 

حطيت توزيعات ثانيه ،، جميييله جدا،، 

شموع وعليها ثيم ،، البنت ماشاءالله شغلها متعوب عليه حتى تغليف الهدايا عندها يجننن 

وهذا الجمال من شغلها ،،

وتسوي مثل الاطارات خشب عليها عبارات تجنن مررره تنفع للغرف والمكاتب ،،

وعندها احرف مضيئه حلوه للحفلات وفكرتها غريبه ،،

حسابها بالانستقرام 

 elegant_idea

على طاوله ثانيه ،، حطيت photo booth 

 اشكال الفوتوبوث جبتها من ملبورن وبعضها انا طبعتها وقصيتها ،، 

والعلب اللي موجوده من ابو ريالين وسويت لها قلتر 

نجي الان لأهم مكان في الحفله وهو مكان  الكيكه ،،

انا قررت تكون الكيكه لها مكان خاص فيها ويكون بوسط القبو ،، يعني كآنها الكوشه ،، 

طبعا وريت روزري الفكره واني ابغاها تكون معلقه بسلاسل مثل المرجيحه ،، وفوقها ورد ،، وماشاءالله ابدع بالتنفيذ

الطاوله الكبيره والورد اللي فوقها من المحل ،، لكن الطاولتين الصغار تبعنا والشموع اللي بالارض انا جبتها وصفيتها 

اخذتها من ايكيا ،، والطاولتين من سنتر بوينت ،،

وهنا شكلها من بعيد بعد ما انحطت الاشياء عليها ،، 

الطاوله الفاضيه كان مفروض عليها هرم من الفراوله لكن للاسف تآخر وجوده ،، وبوريكم صوره 

الكيكه من ليمالا 

هذا حسابهم 

limaladelights

الماكرون والاكلير والتشوكلت من فوشون ،، اتعب اقولكم لذيييييذ مررره خاصه الاكلير كريمته روووعه 

وشغلهم يفتح النفس

هذا حسابهم

fauchonriyadh

وهذي صوره للفراوله ،، كانت من صاحبتي جابتها لي 

 من هالحساب 

testiest_cookies

البار انسآلت عنه كثييير هو تبع البيت من الصين جبناه ،، حطيت العصيرات عليه وكان شكلها جميييل جدا ،، 

وحطيت مثل السطل فيه ثلج وعبيت من المشروبات منه ،، 

السطل من الهزاز ،، 

وبالنسبه للمكيافات اللي بالصوره ،، تخيلو القبو فيه مكيفات ،، ومع انه كان برررد وكانو الكل يقولون لي ليش تجيبين زياده 

مكيفات ،، مالها داعي ،، وحرام ،، لكن ماسمعت كلامهم واستأجرت خمس مكيفات ،، 

والحمدلله اني ماسمعت كلامهم لاننا شغلنا المكيفات كلها ولا ندمت ابدااا ،، لانه مع الزحمه والرقص البنات صارو يقولون

حررر ،، 

المكيفات من المحل اللي قلت لكم عنه بشارع احمد بن حنبل بمخرج ١٤ ،، تخيلو يابنات عنده كل شيء كلللللل شيء

بدون مبالغه وش تبغون عنده لو تبغون ملعقه او سكين يأجرها لكم واسعاره تجنن وتعاملهم حلووو اخذت من عنده

الشمعدانات الذهبيه اللي بالبوفيه  ،، وراح تشوفون صورتها والمكيفات  ،، وباذن الله اني دايم راح اتعامل معهم ،، 

اسم المحل اضواء امسيتي للحفلات 

وهذا رقمهم 

٠٥٥٩٣٢٣٠٢٢

ونجي الان للبوفيه ،، 

طاولات البوفيه مثل ماقلت لكم بالسناب انها تبعنا ،، هي بالاساس طاولة طعام ل٢٤ شخص  وانا شلت الكراسي 

وصفيت الطاولات ،، 

اعذروني بعض الصور الاضأه عاليه فيها ،، بس والله زين انه صورنا بوقتها من الشغل والربكه ماصورت ولا مخمخت

والصحون اللي فوق الطاوله كلها لي انا حطيتها وقلت بعدين ارتب الحلا اللي يجي عليها ،، 

علب المويه انا مسويتها ،، جبت موية نوفا القزاز تلقونها بكارفور او اي سوبر ماركت كبير  

وشلت الاستكر اللي عليها وطبعت اللي ابغاه وقصيت الاشياء وحطيتها

واحلى مافيها العباره اللي مكتوبه عليها ،، 

الحلا اللي بالصوره كان الذ حلا موجود الكل بدون مبالغه سالني عنه ،، وهو فستقيه لذيييذه جدا 

تعامل البنت ذوووق وراقي جدا ،، وعندها ميني كيكة تمر لذيذه 

من هالحساب لا تفووتكم 

souffle7

كيكة العسل هذي شكلها جدا جمييل والطعم ارررروع ،،

من هالحساب ،،

jodmore

وهالكيك الجميييل ،، طبعا من المخبز اللي احبه ،، دائما وابدا ،، سيزون دو بان 

شوفو الابدااع بالرسم والكتابه ،، 

وطبعا كان فيه براونيز ،، وفطاير ميني من عندهم لكن للاسف مالها صور ،، والتارت عندهم قااااتل 

حساابهم 

saisondupain 

 الحلا هذا من ليلو ،، طبعا المعروف لا يعرف ،، 

لكنه قاااتل لذيييذ بشكل ،، داخله فستق 

وهذا الحلا عباره عن كيك اوريو لذيذ جدا ،،

وهذا اسمه فلورنتييين ،، يجننننن مررره 

اثنينهم من محل ذا بوكس تقاطع الملك عبدالله من التخصصي 

حسابهم 

theboxksa

 وهذا تشوكلت لذيييذ جدا من ذابوكس كمان ،،، بحشوات مختلفه ولذيييذه ،، تخيلي فيه واحد منهم بحشوة بطبقة بسكوت وكيك ومارشملو مع بعض ،، وفيه بحشوة البنت بتر لذيييذ 

تخيلو العلب هذي فيها مقشوش اهل حايل لذييييذ جدا من لمى صاحبتي الله يجزاااها الف خييير اكثر انسانه تعبت معي بالحفله وماقصرررت ابدا والله ،،، 

شرينا العلب من ابوريالين واخذنا قماش شالكي من طيبه ،، وحطت لمى المقشوش وربطته بالشالكي ،، 

وندخل ع الموالح ،، 

اول شي جبت حرمه تسوي صاج ،، جدا لذيييذ ،، اسمها ام قاسم وتعملها بحشوات مختلفه لكم 

وهذا رقمها ،،

٠٥٦٢٠٦٤٣٤٠

وكانت هديه لمى بعد ،، 

السلطات من هالحساب 

danakitchen2013

عيبها ان التوصيل اخذت ١٠٠ عليه واحسه مرره كثييير الاغلب اذا شطحو ياخذون ٥٠ احسها افترت والله 

والثيمات اللي عليها انا سويتها ،،

بالنسبه للبرجر تذكرون لما قلت لكم ابغى ميني برجر وكل واحد يكون مغلف لحاله ،، طبعا اخترت ميني برجر من هوت 

اكسبرس لهم فروع كثيير يجنننن البرجر تبعهم يعيبهم انه بس لحم مافي دجاج  لكن للاسف ماتصور ،، وفيه اشياء كثيره 

والله ماتصورت سواء في الحلا او الموالح ،،  فآخترت اني اجيب بعد برجر من تاكسي يكون بالدجاج ،، 

هالجمااال اللي بالصور كلهااا اللي راحت

من هالحساب

 tastykadee

طبعا هالحساب اتعب اقووولكم شغلهااا كيييف لذييييذ تبارك الرحمن ،، اتقاان بالشغل ومبدعه حتى بالطعم 

ومو اول مره تري اتعامل مع ام كادي هذي يمكن خامس مررره ،، وراح اتعامل باذن الله معها اكثر واكثر 

وترى تسوي ميني برجر يجننن ،، بس للاسف ماتصور ،، وراح انزل لكم فيديو فيه اغلب الاشياء اللي ماتصورت 

هذا ورق عنب ومحشي كروم مع بعض ،، للامانه ماذقته ،، 

من هالحساب ،، 

 salad_cocktail

كاسات الشيبسات اخذتهم من السويلم ،، والثيمات انا مسويتها وسويت لهم صوصات بالزبادي ،، 

وجبت سوووووشي معشووق الكل اللي فعلا اول شي خلص ،، 

طبعا اخذته من سوشي يوشي ،، البوت تآجير وتدفعون عليه تأمين الف ريال ،، احسه كثييير مررره بس يستاااهل 

اخر شي ،، الجمال كله ،، 

سخاانات الصفوه ،، جبت اربع سخانات من عندهم كل سخان الذ من الثاني ،، واللي بالصوره هذا اللي الكل ثاني يوم 

يسآلني عنه ،، رولز الباذنجان مع المكرونه جدا جدا لذييييذ ،،، واخترت كمان محشي بصل ورفيولي وحاجه ثانيه رووووعه مررره انصحكم تجربونها اسمه مااانتي تركي ،، 

تخيلو هي قالت لي جربيه وماراح تندمين ،، وفعلاا جدا لذييييذ 

حسابهم ،،

alsafwahcuisine

alsafwahcatering

وهذي صوره للبوفيه بشكل كامل ،، 

اخر الموضوع انا فعلا تعبت بالحفله واخذت مني جهد ووقت وفلوس ،، لكن فرحتها تستااااهل كل هالتعب والله 

شكرا لكل من حظر الحفله وشكرا لكل من فكر بهديه لي ،، شكرا لكل من بارك لي ،، 

ماقصرتوووو جميعا ،، 

وهذا فيديو بسيط من انستقرام صاحبتي ساره ،، شكرا لها لانها صورت ،،