طريقة كريمة اللوتس

حياكم الله ،،

اليوم معنا طريقه لكريمه يمكن الكل يدور عليها وطبعا كثرة الطرق وكثرة استخداماتها

 وصارت حتى ماتلقونها بالسوبرماركت ،، لا والبعض مايرضى حتى انه يعطيك طريقتها ،، وهي شي سهل وسريع 

ماله داعي كل هذا ،، 

عموما اليوم معنا طريقة كريمة اللوتس الطريقه سهله مره وسريعه ولا تاخذ منكم ،، جبتها من موقع اجنبي لكم 

واحنا بملبورن اساسا ماتنباع عندنا هالكريمه ينباع بسكوتها فقط ،، وانا ودي اسوي فيها شي لكم  لذالك قلت اسوي 

كريمتها قبل ،، باذن الله تستفيدون من هالطريقه وتعجبكم ،، 

اول شي المقادير ،،

نص كاس حليب سايل

نص كاس سكر بني 

٣٠ حبة بسكوت لوتس  

رشة سينبون 

ملعقه صغيره ليمون 

ملعقه كبيره زيت 

نحط الحليب ع النار عشان يصير حار 

بعدها نحط البسكوت مع الحليب عشان يبدا يذوب وممكن نجمع بين بسكوت اللوتس وبسكوت الشاي 

وكثير بنات من ملبورن يسآلون  من وين البسكوت حق اللوتس موجود بكولز 

بعدها نحطها بالخلاط ونخلطها طبعا لو كان قوامه سايل شوي ممكن تضيفيون له زيادة بسكوت

ونضيف السكر 

والليمون والزيت 

واخر شي رشة قرفه

ونخلطهم تماما الى مايصير قوامهم ثقيل وسايل بنفس الوقت 

ونصبهم بعلبه عشان نحفظهم بالثلاجه 

شايفين قوامها ولونها روعه وطعمها اتعب اقولكم لذيييذه مررررره ،، هالكميه تسوي لكم تقريبا علبه كامله من اللوتس 

وبالعااافيه عليكم 

انتظرو الحلا الي راح اسوي فيه الكريمه 

،،،