ورق عنب

حياكم الله ،،

اليوم معنا طريقة حبيب البنات ههههههه ،،، ورق العنب 

ورق العنب في مكوناته مايحتاج شيء كثير وسهله طريقته مره ،، لكن هو متعب بطريقة اللف وانه ياخذ وقت بالطبخ ،،

طبعا هالطريقه  الطريقه الاصليه المتعارف عليها لورق العنب ،، يعني الحين صارت لورق العنب طرق جديده ،، واضافات 

جديده زمان ماكنا نعرفها ،، عموما هالطريقه باذن الله تجربونها وتحبونها لانها سهله ،،،

اول شي انا اخترت شركتين لورق العنب من ملبورن في البقالات العربيه ،،

للاسف الشركتين ماعجبوني باللف وماتتخيلون اغلب الورق مقطع او خفيف مره وينقطع بسرعه لذالك تعبني شوي

باللف ،، يعني لآهل ملبورن ماانصحكم بهالشركتين لو فيه بديل لهم افضل تاخذونه ،،

نجي الحين لمقادير حشوة ورق العنب ،،

بصله كبيره او بصلتين صغار نفرمهم بالفرامه ،، فرم ناعم 

حبتين متوسطه طماطم نفرهم بالفرامه فرم ناعم ..

وثلاث كاسات رز عادي او مصري الموجود عندك ويفضل المصري تغسلونه كويس ،،

ونحط البصل المفروم والطماطم فوق الرز ،، 

ونضيف لهم بقدونس مفروم مقدار نص كاس ،، 

ونضيف بهارات ،،

عباره عن ملح ،، فلفل اسود ،، كمون ،، كزبره ناشفه ،، وبهارات عربيه ،،

ونخلطهم كلهم مع الرز ،،

والحين الحشوه صارت جاهزه ،،

نصفي ورق العنب من مويته في العلبه ونبدا نستخدمه باللف ،،

طبعا طريقة اللف تقدرون تشوفونها باليوتيوب اسهل لكم وباذن الله هالصور تكون واضحه لكم ،،

بعدها طبعا نصفها بقدر الطبخ ،، وفي قدر الطبخ نحط من تحت طبقه كلها بطاطس مقطع حلقات مدور

 وبعدها نصف ورق العنب فوق البطاطس 

وهنا خلصنا لف وبنبدآ نطبخه ،،

طبعا وقت الطبخ نذوب بكاسة مويه حاره مكعب ماجي ،، 

ونحطه فوق الورق ،،

ونحط كاس زيت زيتون ،، 

وكاس عصير  ليمون ،،

بعدها نغطيه بصحن اول شي بعدين بغطاء القدر ،، ونخليه  يطبخ لمدة ساعتين الى ثلاث ساعات ،،

اول شي طبعا نرفع النار عليه لحد مايفور بعدها نوطي النار مررره ويكون على نار هاديه ،،،

طبعا انا احب ورق العنب بزيت الزيتون واحب اكله حار مو بارد ،،

واذا حابين ممكن تضيفون له دبس رمان حسب انتم ورغباتكم  ،،،

وبالعافيه عليكم ،،،

،،،