memokitchen

حياكم الله ،،  اليوم بنسوي كيكة الرد فيلفت ،، سبق ونزلت طريقتها في الانستقرام واليوم الطريقه بتفصيل اكثر باذن الله ،،  اول شي الخليط المستخدم للكيك بالصوره هذي ،،  الشركه هذي بالنسبه لي افضل خليط لكيك الرد فيلفت ،، تلقونها بالتميمي بالرياض والدانوب كلهم يوفرونها ،، وبنات ملبورن تلقونها بكولز ووال وارث ،،  جربت اكثر من خليط ومن ضمنهم كان خليط بيتي كروكر بعد لكن للاسف كان سيء ،، وافضل واحد الي بالصوره هذي ،، وخليط ملتقى الخبازين بعد حلو ،،  والي مالقى اي خليط منهم ،، بعطيكم طريقه تسون فيها كيكة الرد فيلت  وهي انكم تجيبون خليط بيتي كروكر الابيض العادي بدون اي نكهه  وتسوونه نفس ماهو مكتوب عليه من ورى الكرتون بس تضيفون له ملعقتين شوكلاته بودره وعلبة ملون الطعام الاحمر الصغيره ،، وافضل ملون طعام استخدمته على الاطلاق  ملون الطعام من ملتقى الخبازين اللون الاحمر تبعهم تبارك الرحمن جمييييل جدا ،،  الحين نرجع لكيكتنا  طبعا طريقتها تسونه نفس ماهو مكتوب عليه بالعلبه من ورى ،،  و...

حياكم الله ،، اليوم معنا طبق جمييل جدا ،، وهو مشهور في بلاد الشام  ،،   حمص باللحمه ،، والطريقه سهله جدا ،، وطعم مميز ولذييذ ،،  اولا معنا المقادير ،،  علبه حمص مسلوق اربع ملاعق كبيره طحينه سايله   ليمونه ملعقه ثوم  ملح - فلفل اسود  ونص كيلو لحم مقطع صغير جدا  زيت زيتون  صنوبر محموس بابريكا مطحونه  شوية بقدونس مفروم  اول شي نبدا نحط الحمص المسلوق في الفرامه حق الاكل ،،  بعدها نحط الطحينه ،،  والليمون ،،  والثوم والملح ،،  ونفرمها فرم ناعم ،، بعدها نخلي الحمص على جنب ،، ونجهز اللحمه ،، نحط اللحمه مع شوية مويه وملح وفلفل اسود ونحمسها ع النار مثل اللحم المقلقل ،،  البعض يحط شوية زيت بدل المويه ويحمس اللحمه فيها ،، انا ماحبيت اني احط زيت وحطيت مويه ،، ونخليها على نار هاديه لحد ماتستوي تماما ،،  وقت التقديم نحط الحمص بالصحن ،، ونس...

حياكم الله  اليوم معنا طريقة كعكه جميييله جدا راح نتعرف عليها من خلال هالمعلومات ،،  السكونز هو خبز انجليزي صغير واصله من اسكتلندا ومشهور في استراليا ايضا وايرلندا وكندا لا تدخل الخميره في مكوناته ويصنع فقط من البكينج باودر  يقدم السكونز كوجبه مرافقه savory ومنه ما يدخل فيه البطاطا ويطلق عليه tatties scones ومنه يكون حلو وهو السكونز التقليدي في بريطانيا وفي امريكا يدخل فيه الفواكه وخاصه البيري او الزبيب او التمر او يطعم بنكهات متل ماء الودر والزهر انا اعتبره شيء بين الكيك وبين الخبز ،، طعمه لذييييذ جدا ،، فيه منه  حالي ومالح ،، بالنسبه لطريقته ماتتخيلون كيف كنت شايله همه ،،  خاصة اني فاشله جدا بالعجن ،، لكن والله لما سويتها جدا سهله  والعجينه مرررره طريه بشكل ماتتخيلونه ،، وباذن الله تسوونه  وتجربون بنفسكم ،،  اول شي معنا هالمقادير ،،  وقبل كل شيء شغلو الفرن وخلوه على نار هاديه ،،  ٣ كاسات دقيق ،، الدقيق المستخدم عندي كان دقيق خاص مايحت...

حياكم الله ،، اليوم معنا حلا جمييل جدا جدا ،، وسهل مررره ،، باذن الله يعجبكم ،،  اول شيء المقادير ،،  ثلاث ارباع كاس دقيق  كاس كامل حليب سائل  بيضه  ملعقه كبيره بكينج بودر ،، ورشة فانيليا ،،  اوريو ،، الطريقه ،، بالصور ،،  اول شي نحط البيض ،،  بعدها الدقيق والفانيليا ،، بعدها الحليب والبيكينج بودر ،،  بعدها نخلطها بالمضرب اليدوي ،، لحد مايتجانس ،، ويتكون خليط ثقيل ،،  نجيب حبات الاوريو ونبدا نغمسها بالخليط ،،  ونشيلها ونقلاها بزيت عميق حار ،، وهنا بعد ماطلعناها ،،  ووقت التقديم ترشون عليها سكر مطحون او اي صوص تحبونه شوكلاته او كراميل او رشة مكسرات ،، والافضل تاكلونها  وهي حاره ،، وبس ،، اسهل من كذا مافيييه  ،،  وهنا وقت التقديم  ،،  شفتو من داخل كيف الاوريو ،،  وبالعااافيه عليكم ،،  ...

حياكم الله ،، اليوم معنا مكرونه بصوص يجمع بين الصوص الاحمر والكريمه ،، فيصير لونه على زهري او برتقالي فاتح   بينك صوص ،، اول شي نسلق مكرونه سلق عادي استخدمت بيني وهو هالنوع من المكرونه  وهالشركه اعتبرها افضل شركه في المكرونات ،، اول شي نحمس بصله كبيره مع شوية زيت ،،  ونكون مجهزين  صحن صدور مقطعه مكعبات  اذا تحمس البصل وصار لونه ذهبي نحط الصدور مع الثوم ،،  بعدها نضيف شوية فلفل اسود وكزبره ناشفه ومكعب ماجي ،،  ونخليه يتسبك مع الدجاج ،،  بعدها اذا قرب يستوي الدجاج نجيب الطمام المعلب مثل هالصوره ونفرمه بالفرامه ،، ونضيفه فوق الدجاج ،، ونخليه يتسبك معه ،،  ونضيف ملعقتين صلصه ،، واخر شي نضيف نص علبه كريمة خفق ،،  ونخليها تطبخ مع بعض لحد مايصير لنا مثل هالصوص ،،  اخر شي ،، بعد ماسلقنا المكرونه نضيف الخلطه عليها ونخلطهم مع بعض ،،  ونخليه شوي بالقدر قبل ال...