Nutella Mug Cake حلا سهل وسريييع

حياكم الله ،،

حلانا اليوم سهل مرررره وسرررريع مره ماياخذ منكم عشر دقايق ،، ومتاكده بتدمنونه دايم ،،

وعشاني احب الاشياء السهله واللذيذه والسريعه ،، انصحكم تجربون هالطريقه ،،

Nutella Mug Cake

نبدا بالمقادير ،،

المقادير كلها باملعقة الاكل ،، وغير كذا تقدرون تخلطون المقادير كلها بكوب التقديم  لكن انا خلطتها اول

وبعدين حطيتها بكوب التقديم ،، والمقادير بكوب واحد كوب كبير مو الكوب الي نشرب فيه العادي وتكفي لشخصين ،،

تحطون اربع ملاعق دقيق  

اربع ملاعق سكر مطحون ،،

بيضه واحده 

ملعقه بيكنج بودر ،،

اربع ملاعق زيت ،،

اربع ملاعق شوكلاته بودره ،،

واربع ملاعق شوكلاته نوتيلا ،، ونسيت اصور وانا احط النوتيلا ،،

واخر شي اربع ملاعق حليب سايل 

احينا ممكن يعطيك الخليط ناشف شوي زيدو حليب ،، السبب انه ممكن تكونون مكثرين وانتم تاخذون ملاعق الدقيق او السكر انا ابغى الخليط يصير مثل خليط الكيك ،، ثقيل بس سايل ،، يارب فهمتوني ،،

بعدها نخلطها بالمضرب اليدوي ،،

لحد مايتجانس معكم الخليط تماما 

نجيب كوب قهوه اي كوب بس يكون يدخل الميكرويف وحجمه كبير ،، ونصب الخليط فيه ،،

وندخله الميكرويف ،، تخلونه من دقيقه الى دقيقه ونص ،، لانه بسررعه يستوي ،، وتلاحظونه اذا انتفش خلاص ،،

اذا ودكم انه يصير كيك كيك خلوه دقيقه ونص كامله ،، واذا تحبونه ستكي كيك يعني لزج تحسونه وفيه سايل شوي خلوه دقيقه ،، عن نفسي احبه  ستكي ،،

وهذا شكله بعد الميكرويف ،، 

اسهل من كذا مافيييه 

وبالعااافيه عليكم ،،

،،،،