تفاصيل زواج اخوي ،،

حياكم الله 

هالتدوينه من زمااان انتم منتظرينها من فتره والحمدلله قدرت اخلصها لكم ،،

هالتدوينه عن زواج اخوي ،، وتقديمات الزواج ،، وطبعا فستاني الي كثيييييير طلبوها مني ،،،

واعتذر عن التآخير لكم ،، 

نبددا بسم الله ،،

صار لنا موقف يوم الزواج ان الي تعاملنا معه عشان يسوي لنا الديكورات نص الاشياء الي طالبينها ماسواها غير 

كذا كنا طالبين ورد طبيعي حط لنا نصه طبيعي ونصه صناعي ،،

وحط نص الاغراض والمغرب قال بروح اجيب باقي الاغراض واجيكم ،، وسححححححب علينا ،، ندق عليه مايرد 

ندق ندق مايرد ،، بعدها اختي نزلت ورتبت الاغراض بنفسها ونظفو المكان ،، للاسف المحل موجود بالورود انتبهو منهم يعني

لا تعطون فلوسهم كامله الا بعد ماتشوفون الشغل قدامكم .. احنا عطيناه المبلغ كامل كان يمكن بس باقي له الفين او ثلاثه

وللاسف شغله مايتساهل حتي ٥ الاف ريال ،، 

ندخل الحين على التقديمات ،، 

احنا هالمره حبينا مانكثر بالانواع  لكن نكثر بالكميات ،، يعني صواااني اكثر بس انواع اقل لكن حلوه ولذييذه ،،

شوكلاته مغلف من بوبلرز poplars  في شارع الثلاثين شوكلاتاتهم حلووه مررره والمحل يجنن كله ومو اول مره نتعامل معهم ،،

روكي رود اعتبره الذ روكي رود ،، من الجميله امل وسبق وطلبنا منها للشبكه وكان تعاملها جميييل جدا وشغلها لذيييذ حسابها بالانستقرام 

chocosa_sweets@

نجي لآهم حلى عندي ،، المارينغ اللذيييذ القاتل ،،

هالمارينغ من محل ليلو بشارع الضباب المحل معروف جدا واعرفه من قبل لا يفتح عندنا من البحرين جميييل المحل بكل مافيه 

بس فرع الرياض حلويات فقط ،، اما البحرين مطعم وحلويات ،،

المارينغ هذا محشي من داخل بكريمه بالفول السوداني تذوووب بالفم ،، 

وهذا كيك اعتقد الاغلبيه يعرفه من برى مغلف بشوكلاته وداخله كيك من اني وداني لهم فروع كثيره بالرياض ،،

الفطاير والكبه وورق العنب  من اني وداني بعد ،، وجبنا فطاير وساندوتشات من كارميه بس ماعندي صوره لها ،، ،

كلهم انصحكم فيهم لذييذه جدا ،،،

الموالح مشكله بعد من اني وداني ،،، 

وهذا بسكوت صغير مغلف ولذيييذ من بوبلرز بشارع الثلاثين ،، 

نجي الحين لسؤال جاني كثير عن طقم الذهب الي نزلته ،، لاني لبسته بليلة حناء عندنا ،، 

هالطقم كثيير يسآلون من وين ،، اخذته انا من دبي بسوق نايف ،، لان ليلة الحنا لازم نلبس ذهب فيها ،،

وكثير سآلو عن الكوفيره ،، 

الكوفيره هذا حسابها بالانستغرام شغلها جمييل واخلااقها حلوه مررره بنت عسل بمعنى الكلمه ،، 

_janaart@

وكثير يسآلون انه انتي ياميمو تعرفين تسوين ميك اب ليش تخلين احد يصلحك !!

لانه زواج اخوي لازم اجيب احد ما ابغى اروح الزواج وانا تعبانه لذالك ادلع نفسي 

اخر شي وصلنا للفستان الي الكل اتوقع ينتظره 

اول شي انا مالي تجارب مع تصوير الملابس لذالك الصور مو مره حلوه عدوها لي ،، 

ثاني شي الفستان اخذته من ملبورن من مصممه اسمها 

Carla Zammpatti

سعره كان ١٣٩٠ دولار 

المصممه تصاميمها جمييله جدا وناعمه وفخمه ،، تلبس المشاهير ع الرد كاربت ،،

حابه اوضح شغله بسيطه ،، البطانه بالفستان كانت ضيقه وانا ماعجبتني وغيرتها وخليتها واسعه 

نبدا بتفاصيل الفستان ..

طبعا هذا من ورى ،، قماشه جدا جميل ،،

هذا من قدام ،، فيه مثل الطبقات من الجنب وع الخصر ،،

وهذا الشوز الي لبسته معه من مانولو بدبي مول ،، 

اخر شي ،، اهلي فاجآوني بكيكة تخرج لي الله يخليهم لي ولا يحرمني منهم ،،

اتمنى اني اكون غطيت اكبر قدر ممكن من طلباتكم ،، 

وشكر لكم ،،